سؤال وجواب وبشكل مبسط كل ما يتعلق بالأبحاث المطلوبة من 3 ابتدائي حتي 3 إعدادي

E G Y P T

عضو متواصل



exam-eg.com_158555886877351.png


س1 : ايه البحث وازاى الطلاب هتعمله ؟
ج1 : بحث فى كل مادة من المواد اللى بتدرسها حاجة أشبه بالواجب المدرسي ولسة التفاصيل الرسمية هتيتم الاعلان عنها فى مؤتمر يوم 2 ابريل

س2: هنقدم البحث فين ؟
ج2: هتقدم البحث بشكل الكترونى على منصة https://edmodo.org الجديدة ودى لسة هتشتغل مع الاعلان الرسمي اللى قلنا عليه يوم 2 ابريل

س3: ايه كود الطالب واجيبة منين؟
ج3 : دة كود مهم هتتمكن من خلالة التسجيل على edmodo وممكن تجيب كودك بسهولة من خلال الرابط التالى http://studea.emis.gov.eg

س4: ايه الرقم القومي دة ؟
ج4: دة رقم مكون من 14 رقم موجود فى شهادة ميلادك

س5: بعد اجيب كود الطالب والمنصة تشتغل 2 ابريل هعمل ايه تانى؟
ج5 : هتدخل على منصة edmodo هتعرف اية البحث المطلوب منك وتبدأ تشتغل عليه بشرط ماتنسخش بحث حد زميلك لانه الوزارة أعلنت انها هتعاقب اى طالب هينسخ بحث يعنى لازم تعملة بنفسك .

س6: اخر مهلة اقدم البحث امتي ؟
6ج: اخر مهلة هي 15/5/2020

س7: لو ماقدمتش البحث 15 مايو هيحصل ايه
ج7: لازم تروح المدرسة قبل زمايلك بأسبوعين عشان تعمل البحث بشكل يدوى بعيدا عن الكمبيوتر او المنصة

س8 : هيحصل ايه لو ماعملتش البحث قبل 15 مايو ومارحتش المدرسة بدرى اسبوعين
ج8 : هتعيد السنة للأسف

س9: مين اللى هيطلب منى البحث وبناء على ايه
ج9 : الوزارة بتبعت معايير الأبحاث للموجهين والموجهين بيقومو بارسال ارشادات الأبحاث الى المدرسين يعنى اللى هيطلب منك البحث وهتكون مسئول منة على المنصة هوه المدرس اللى بيديك فى الفصل

س10: مش ممكن حد يشوف البحث بتاعى لما ارفعه على المنصة وينسخه وينسبه لنفسة
ج10: دة مش هيحصل لان كل طالب لية اكونت خاص بية وانت لما بتبعت البحث بيروح مباشرة للمدرس بتاعك ومفيش اى طالب اخر عنده صلاحيات انه يشوفة

س11: بناء على اية هنجح او اسقط ومين هيراجع البحث دة؟
ج 11: مدرس كل مادة هيراجعو الأبحاث وبناء عليه هينجحك فى البحث

س12: لو نجحت فى البحث هاخد كام درجة؟
ج12 : لو نجحت هتاخد الدرجة النهائية يعنى مثلا لو نجحت فى البحث وانت فى سنة ثالثة اعدادى هتاخد 140 من 140 فى الترم الثاني

س13: ازاى اتعامل مع المنصة وارفع البحث واجهزة ؟
ج13 : زى ماوضحنا قبل كدا لسة المؤتمر الرسمي هيكون يوم 2 ابريل هيتم الاعلان فية عن كل التفاصيل دى ولما التفاصيل تنزل من خلال صفحة منتدى الامتحان التعليمى على فيس بوك هنحاول نبسط ليكم الموضوع ونشرح لكم بالصور والفيديو ازاى تتعاملو مع المنصة وازاى تعملو بحثكم عشان تنجحو وتروحو السنة الجديدة باذن الله

لو لسه عندك اسئلة تانية اكتبها فى التعليقات عشان نعرف نساعدك .. الامتحان التعليمى بيتمنى لكم النجاح والتفوق الدائم والصحة والعافية .

رجاء مشاركة هذه الأسئلة والأجوبة مع زملائك حتي تعم الفائدة
 



التعديل الأخير:

الطلاب شاهدو أيضا





Y

youssif zaki

غير مسجل



طب هو البحث هيبقى يدوى ولا نجيبه من النت (الكترونى)؟
 



ط

طارق حسني

غير مسجل



هل كود الطالب مختلف عن كود الفصل الخاص بالمعلم
 



ط

طارق حسني

غير مسجل



شكرا جزيلا
 



التعديل الأخير بواسطة المشرف:
ي

يوسف ناصر حماد التوني

غير مسجل



شكرا جزيلا
 



التعديل الأخير بواسطة المشرف:
ا

اسماعيل شكر

غير مسجل



شكرا جزيلا
 



التعديل الأخير بواسطة المشرف:
س

سمر محمد بدولة الكويت

غير مسجل



شكرا جزيلا
 



التعديل الأخير بواسطة المشرف:
ع

عصام سيد على سيد

غير مسجل



شكرا جزيلا
 



التعديل الأخير بواسطة المشرف:
ل

لقبمهف

غير مسجل



شكرا جزيلا
 



التعديل الأخير بواسطة المشرف:
س

سما أحمد و اخوي كريم أحمد

غير مسجل



شكرا جزيلا
 



التعديل الأخير بواسطة المشرف:
ا

المسامح كريم كريم

غير مسجل



فى اشخاص بتقول ان ينفع يعملو 5 اشخاص البحث مع بعض ده صح او غلط
 



boed

عضو



جزاكم الله خيرا على المجهود الرائع
 



التعديل الأخير بواسطة المشرف:
ربما تبحث أيضا عن : المنتدى
alostaz علوم ثالثة اعدادى ترم اول
alostaz الترم الاول خامسة ابتدائى
alostaz تربية دينية تانية اعدادى ترم اول
alostaz الدراسات رابعة ابتدائى ترم اول
alostaz علوم ثالثة اعدادى ترم اول
alostaz عربى ثالثة اعدادى ترم اول
alostaz دين ثالثة اعدادى ترم اول
alostaz أرشيف الصف السادس الابتدائي
alostaz أرشيف الصف السادس الابتدائي
alostaz المهارات المهنية رابعة ابتدائى ترم اول
alostaz أرشيف الصف السادس الابتدائي
alostaz الدراسات رابعة ابتدائى ترم اول
سحر عبد المنعم أرشيف الصف السادس الابتدائي
رنا محمد دراسات ثالثة اعدادى ترم اول
سحر عبد المنعم المهارات المهنية رابعة ابتدائى ترم اول

ربما تبحث أيضا عن :