الشخصيات حسب الظهور :
مجموعة الأطفال في الصف الثالث الاعدادى
فايزة طفلة في الصف الثالث الاعدادى
كريم طفل في الصف الثالث الاعدادى
نور طفل في الصف الثالث الاعدادى
نبيل طفل في الصف الثالث الاعدادى
قارة آسيا
قارة أفريقيا
قارة أوروبا
قارة أمريكا الشمالية
قارة أمريكا الجنوبية
قارة أستراليا ( الأوقيانوسية )
..........................................
المشهد الاول
تقف مجموعة القارات الستة في وسط المسرح ويلتف حولها مجموعة الأطفال وهم يرددون :
احتارنا والله في تضاريسك يا قارات منك ليها
تعبنا من كتر الأسماء وحاولنا نفهم معانيها
جبال هضاب سهول أنهار
العقل والله حقيقي احتار
يا مين يجينا يشرحهالنا... يبسطهالنا
وينوبه ثواب فينا وفيها
(يتحرك الأطفال في دائرة ويلتفون حول القارات قارة قارة وهم يرددون)
الأطفال: آسيا يا آسيا كده مالك جد وقاسية
أفريقيا كده مين قدك مصر الغالية تنور خدك
قارتنا دي مية المية
وأنتي يا أوروبا أروبة كده لهلوبة تعبتي عقولنا معاكي
وأمريكا الشيكا شيكا بيكا الشمالية والجنوبية
بيقولوا فيها تمثال مشهور تمثال مشهور ومسمينه الحرية
وخدوا بالكوا خدوا بالكوا يا كل أصحابنا آخر القارات الأوقيانوسية
نقصد طبعا أستراليا الأوقيانوسية
تتحرك القارات لتلتف حول الأطفال في محاولة منهم لاحتواء غضب الأطفال الواضح علي ملامحهم وتحاول القارات إقناع الأطفال ببساطة تعلم تضاريس كل قارة
القارات معا موجهة كلامهم للأطفال
القارات : بشويش كده وتعالوا معانا الجغرافيا سهلة وبسيطة
الأطفال في نفس واحد :لأ مين قال دي حويطة ويانا
القارات : طيب بسهولة تعالوا نلعب والجغرافيا تكون ويانا
كل قارة مننا تبدأ دورها في لعبة وأنتوا معانا
طفل :واللي هيكسب
القارات : ياخد جايزة .... إيه رأيكوا في الفكرة دي هية ؟
الأطفال: فكرة جميلة.. طب مين راح يبدأ؟
تتحرك قارة آسيا لتعلن أن بداية اللعبة معها وتتحرك للأمام بينما باقي القارات تتحرك للخلف
الأطفال : آسيا يا آسيا كده مالك جد وقاسية
وجبالك شئ صعب جنان
آسيا : لا. لا مين قال كده مين مين قال كده مين
جبالي سهلة ومعروفين ومعروفين
يلا تعالوا قولوا ورايا أحلي الألحان
جبال طوروس. جبال زاجروس والهيملايا واليابان
يلا معايا وقولوا كمان
يردد الأطفال معها وهم فرحين : جبال طوروس جبال زاجروس
والهيملايا واليابان
كريم :أشهر هضابك مين ومين ؟
أسيا : هضابي تلاتة ومعروفين قولهم معايا بنبرة قوية
التبت... الدكن.... شبه الجزيرة العربية
فايزة : وسهولك طب إيه هيه ؟
آسيا : السهول إقسمها إتنين فيضية وساحلية
نور : ساحلية ؟ ودي زي إيه ؟ قوليلنا عليها دي زي مين
حقيقي وبجد مش معروفين
آسيا : علي طول سواحل المحيطات والبحار اللي بتحيط بيا
وسهول كمان داخلية متفرقة.. اسمع بقي
زي سواحل بحر قزوين
فايزة : طب وسهولك الفيضية آيه هيه ؟
آسيا : منها سهول سيبيريا ومنشوريا
ونهري دجلة والفرات ونهر السند وشرق الصين
فكري : طب والأنهار.... عندك أنهار ؟
آسيا : طبعا عندي كتير أنهار يلا يا شطار
عدوا معايا سبعة علي الإيد بسهولة نعرفهم أكيد
أوب ينسي ولينا
اليانجتسي.. دجلة والفرات... والسند مرحب بينا
الأطفال معا بعدما أدركوا قيمة العلم والمعرفة
الأطفال : ياه ياه ياه ياه العلم حقيقي ما أحلاه
ياه ياه ياه ياه العلم حقيقي ما أحلاه
لما نوينا نتعلم وشبح الجهل يزول ويغور
لقينا النور فينا معلم دي العلم فعلا طاقة نور
العلم سلاحنا لبكره الجاي وفي بحر الدنيا طوق ونجاه
ياه ياه ياه ياه العلم حقيقي ما أحلاه
.........................................
تعود قارة آسيا للخلف وتقف بجوار باقي القارات وتأتي قارة أفريقيا في مقدمة المسرح ويلتف حولها الأطفال وهم يرددون
الأطفال : أفريقيا كده مين قدك
مصر الغالية تنور خدك
بس إحنا منك زعلانين
أفريقيا :ليه يا حبايبي يا ضي العين ؟
الأطفال : تهنا في جبالك وهضابك وسهولك وكمان أنهارك
وتعبنا من كتر مذاكرة يا جنابك فاكشفي أسرارك
أفريقيا : مين قال عندي يا ناس أسرار
أنا واضحة زي النهار
الأطفال : طيب قولي علي جبالك بصراحة من غير هزار
أفريقيا : دول خمسة علي كف الإيد
أطلس والبحر الأحمر وكينيا وكليمنجارو
داركن***ج وتاني نعيد
فايزة : طب والهضاب إيه هيه ؟
أفريقيا : هضبة البحيرات الإستوائية
فكري : وفي مصر فيه عندك هضاب ؟
أفريقيا : طبعا أكيد ...الصحراء الشرقية والغربية
نور : وفي أثيوبيا
أفريقيا : هناك الحبشة
فايزة : وهضبة جنوب أفريقيا
أفريقيا : برافو عليكي مية المية تستاهلي عن جد هدية
يصفق الأطفال ويهللون للجائزة التي أخذتها فايزة
الأطفال : وسهولك عايزين نعرفها من فضلك كدة ببساطة
أفريقيا : سهولي ببساطة تلاتة
ساحلية وفيضية وصحراوية رملية سهولي ببساطة تلاتة
فكري : فين سهولك الساحلية ؟
أفريقيا : علي سواحل المحيطين الأطلنطي والهندي
وعلي سواحل البحرين الأحمر والمتوسط
نور : في مصر الغالية بلدي مين قدي
فايزة :وفين سهولك الفيضية ؟
أفريقيا: سهول حوض نهر النيل
نور : عندنا يا جميل
أفريقيا : سهول حوض نهر النيجر سهول حوض نهر الكونغو ببساطة يا جميل
فكري : طب والسهول الصحراوية الرملية ؟
أفريقيا : سهول الصحراء الكبري وسهول صحراء كلهاري
فايزة
باستغراب) سهول الصحراء الكبري ؟أفريقيا : زي سهل كلنشو في ليبيا وبيمتد في مصر باسم بحر الرمال العظيم
إيه رأيك في الاسم يا فايزة وأنت إيه رأيك يا كريم ؟
فايزة وكريم : حاجة سهلة ببساطة نقولها
سهل كلنشو في ليبيا وفي مصر بحر الرمال العظيم
الأطفال : طيب والأنهار إيه هيه ؟
أفريقيا : قولوا معايا
الأطفال : هنقول وياكي بس بسرعة يلا قوام
أنهارك كده يطلعوا كام ؟
أفريقيا : خمسة تمام.. يلا يا نبيل قولهم ويايا بصوت عالي
نبيل : حاضر حاضر وأنت معايا صاحب ودليل
أفريقيا : الكونغو لمبوبو والنيجر وأورانج وهنا نهر النيل (وهي تشير علي الخريطة)
نبيل
مرددا) الكونغو لمبوبو والنيجرالأطفال : وأورانج وهنا نهر النيل (بفرحة شديدة تعبر عن الإنتماء للوطن) هيه هيه
الأطفال : ياه ياه ياه ياه العلم حقيقي ما أحلاه
ياه ياه ياه ياه العلم حقيقي ما أحلاه
لما نوينا نتعلم وشبح الجهل يزول ويغور
لقينا النور فينا معلم دي العلم فعلا طاقة نور
العلم سلاحنا لبكرة الجاي وفي بحر الدنيا طوق ونجاه
ياه ياه ياه ياه العلم حقيقي ما أحلاه
..........................................................
تعود قارة أفريقيا لخلف المسرح بينما تأتي قارة أوروبا لمقدمة المسرح
الأطفال : وأنت يا أوروبا تعبتي عقولنا معاكي
أوروبا : مين قال كده مين مين قال كده مين ؟
الأطفال : كل اللي يدرس تضاريسك بتحيريه يا جميلة وياكي
أوروبا: طيب تعالوا قربوا مني
وأنا راح أقول أسراري وفني
دي أنا اللي أحبه أخبيه وحده جوة القلب وجوة النني
فكري : (وهو يشير بيده علي قلبه) جوه القلب ؟
متهيألي الاسم سمعته طيب فين ؟ أيوة إمبارح أنا كنت بأغني
لسلاسل جبال الألب.
أوروبا : برافو عليك طب يلا نغني
أوروبا وفكري معا : سلاسل جبال القلب تعرف بإيه ؟
جبال البرانس في شمال أسبانيا
جبال القلب الدينارية في شبه جزيرة البلقان
نور : أغنية كنت بأغنيها ... أيوة أفتكرت من زمان
الأطفال : برافو عليك... وإحنا كمان يلا نغنيها
أوروبا : واللي يقولها صح راح أفرح وأديله أنا هدية كمان
يرددها الأطفال ثم يضحكون... تخرج أوروبا هدايا تعطيها لكل طفل. يفرح الأطفال جدا بالهدايا.
أوروبا : وهضابي مين هنا يعرفها ؟ ويقولها من غير ولا غلطة
نبيل : هضبة الميزيتا وتشغل معظم أسبانيا
وهضبة فرنسا الوسطي
أوروبا : برافو عليك.. تستاهل جايزة
وأنت يا فايزة (تشير للطفلة فايزة) تعرفي آيه كده عن سهولي
يلا بسرعة جاوبي وقولي .
فايزة
ترفع أصبعها السبابة وتشير إلي مخها وتفكر وتقول)أعرف إيه ؟أعرف إيه ؟ سهول ساحلية وسهول فيضية
أوروبا: سهول ساحلية زي إيه ؟
فايزة : سهول علي سواحل المحيط الأطلنطي والبحر البلطي
أوروبا:برافو ...برافو
فايزة : وسواحل البحر المتوسط وسواحل بحر الشمال .
أوروبا :شئ مفرح كده عال العال (تعطي فايزة جائزة تفرح لها فايزة جدا)
طيب وسهولي الفيضية تعرف تقولهم يا كريم ؟
كريم : السهل الأوروبي العظيم.
أوروبا : برافو برافو (تعطيه جائزة) وأنهاري مين فيكوا يعرفها يلا بسرعة قولولي مين ؟
نور :أنا أعرفهم
أوروبا :طيب قولهم
نور : نهر الفولجا ونهر الراين. ونهر الدانوب ونهر السين
أوروبا : برافو برافو أنت كمان تستاهل جايزة
زي نبيل و كريم و فايزة
الأطفال (كريم ونور وفايزة ونبيل سعداء جدا بالجائزة)
الأطفال : ياه ياه ياه ياه العلم حقيقي ما أحلاه
ياه ياه ياه ياه العلم حقيقي ما أحلاه
لما نوينا نتعلم وشبح الجهل يزول ويغور
لقينا النور فينا معلم دي العلم فعلا طاقة نور
العلم سلاحنا لبكره الجاي وفي بحر الدنيا طوق ونجاه
ياه ياه ياه ياه العلم حقيقي ما أحلاه
