افضل طريقة لتعليم اطفالك العربية او الانجليزية




اولا لازم تجيبي كتاب اسمه نور البيان من مكتبه.

وتعلمي الطفل اسماء الحروف كلها قبل ما يمسك قلم لانه لو وثق في نفسه انه شاطر وحببتيه في الي هو عارفه بيكون تشجيع وحافز لنفسه ويبقي عايز يمسك قلم .

البدايه لازم تكون عربي .وبعدين يتعلم فتح وكسر وضم ويجدهم كويس اوي لو ده حصل
تاكدي ان الانجليزي حيبقي تمام ليه؟ لانك حتربطي بينه وبين العربي

exam-eg.com_1444042357141.jpg


اول سطر من جدول اول صوره انطقيه بالشكل ده

سا. سي. سو. يعني فتح وكسر وضم بالانجليزيه

حروف الفولس او المتحركه هي اساس النطق بالانجليزيه

اما. I. بتنطق أي .زي الي بينضرب بيقول أي تبقي si. سأي

U تنطق آآآة

Su تبقي ساااا. زي sun

بصي دي خلاصه 14 سنه تدريس .اخترعت الجدول ده بالصدفه وجبت بيه نتيجه هايله مع الاولاد والدواير الي علي الحروف بتثبت كلامي ان نطقهم صحيح

بس هاتي كتاب والوان عشان يلون فمهاره ماسكه القلم والاعصاب تشد من غير ما يكتب
لا عربي ومتلخبطيس ومتمسكيش الانجليزي نهائي لانها ممكن تقولك الفاء اف وهكذا

اكدي حروف عربي كويس وفي حاجه ممكن تساعدك

هاتي حروف من الكتابه الي بتلزق علي الثلاجه وطلعي 5 حروف بس كل مره ومشوريها .روحي هاتي الف .روحي هاتي الباء

النشاط في الحركه والسلوك بيثبت المعلومه وبيحرك الزهن والذاكره .وبعد ما يثبتو طلعي 5 تانين وهكذا

بشرط انها متشفش الحروف كلها عشان متملش من العب بيها لازم يكون في تشويق والممنوع مرغوب لما تخلصي مذاكره شيليهم .وهي حتيجي تقولك تعالي نذاكر عشان عايزه تلعب.

ومشوريه للتلاجه او الغساله وروح وتعالا وشاطر وبرافو وعرفتها ازاي دي انا قلت حتغلط .ده انت طلعت اروبه وكده السن الصغير ده عايز محايله بذكاء ومعلش استخدمي في الاول الاشاره

اما بالنسبه للواجب HomeWork مش لازم كله علي بعضه حبه حبه بس المهم اختيار التوقيت الي بتطلبي منه يعمل الواجب ميبقاش جعان او تعبان من المدرسه ونقولو اكتب لازم يكون فايق وبيلعب .

قوليله يالا نخلص عشان العب معاك وهزري معاه وزي ما وعدتيه اعملي وكل ما يكتب حاجه صح قوليله مش انت الي كتبتها اكيد بابا صح انت بتضحك عليا .طب اكتبها تاني كده وكل ما تحطيه في تحدي حيحب اكتر انه يحاول يكتب صح عشان يثبت انه جدير بالثقه ومجتش معاه بالحظ .

ومتعنفهوش لما الخط يبقي وحش حتلاقيه بيسالك حلوه ؟ قولي حلوه بس لو كانت علي السطر حتبقي احلي بس سيبها .حتلاقيه يقولك لا امسحيها .لكن لو قلتي امسحها وحشه حيقولك مش حكتبها تاني.

لازم الام تبقي فطنه في التعامل وتنزل لمستوي الطفل لان الفتره دي بيكون في عند.

exam-eg.com_1444042532711.jpg
 







samy-noor

عضو



رد: افضل طريقة لتعليم اطفالك العربية او الانجليزية

شكرا اختى جيهان
جزاك الله خيرا
ويا رب فى ميزان حسناتك
 






رد: افضل طريقة لتعليم اطفالك العربية او الانجليزية

شكرااااااااااااااااااااااااااااااااااااااااااااااا
 



ربما تبحث أيضا عن : المنتدى
alostaz كيمياء تانية ثانوي ترم أول
رنا محمد أرشيف الصف السادس الابتدائي
alostaz أرشيف الصف الرابع الابتدائي
E G Y P T أرشيف الصف الثالث الإعدادي
alostaz اللغة الانجليزية للصف الثالث الثانوى
Mai Fadeel انجليزى اولى ابتدائى ترم ثانى
alostaz أرشيف الصف الثالث الإعدادي
alostaz لغة عربية اولى ابتدائى ترم اول
alostaz ساينس Science ثالثة اعدادى ترم ثاني
أ الصف الثانى الثانوى - ازهرى
alostaz أرشيف الصف السادس الابتدائي
alostaz أرشيف الصف السادس الابتدائي
E G Y P T مرحلة الحضانة - رياض الاطفال
ح اسأل ونحن نجيب
M اسأل ونحن نجيب

ربما تبحث أيضا عن :