شرح الفصل الأول فى التاريخ للثانوية العامة باسلوب (( إقرأ وكانك معي ) لمؤرخ الغد
انت غير مسجل فى منتدى الامتحان التعليمى .. للتسجيل اضغط هنـا


الانتقال للخلف   منتدى الامتحان التعليمى > > > >

الملاحظات



اضافة موضوع جديد  إضافة رد
 
أدوات الموضوع إبحث في الموضوع انواع عرض الموضوع
قديم 15-04-2012, 03:50 AM   #1
أ/مروان حسن
عضو جديد
 

افتراضي شرح الفصل الأول فى التاريخ للثانوية العامة باسلوب (( إقرأ وكانك معي ) لمؤرخ الغد


بسم الله الرحمن الرحيم

شرح الفصل الأول فى التاريخ للثانوية العامة باسلوب (( إقرأ وكانك معي ) لمؤرخ الغد

أهلا بكم

شرح الفصل الأول باسلوب (( إقرأ وكانك معي )

أ‌- مروان حسن

عمرك شوفت حد في الدنيا بينتج أو بيصنع أو بيعمل أي حاجه من الهوا

في حاجه في الدنيا ملهاش أصل ملهاش مصدر

طبعا لأ

طيب احنا هنتكلم عن الحضارة الإسلامية يعني هنتكلم عن المستوى الحضاري اللي وصل ليه المسلمين

ينفع نقول أن الحضارة الإسلامية جت من فراغ ملهاش أصل صحينا من النوم لقينا عند المسلمين حضارة طبعا لأ

عشان نفهم الحضارة الإسلامية كويس لازم نعرف أصلها أيه وجبناها منين

يبقى موضوع الفصل الأول في التاريخ هو

أصول الحضارة الإسلامية

ها ........... فهمنا العنوان

على فكره فهم عنوان الموضوع بيساعد على حفظه

أصول الحضارة الإسلامية نوعان

أصول عربية (يعني البلاد العربية اللي كان فيها حضارة والمسلمين نقلوا منها )

أصول غير عربية (يعني الفرس والروم وطبعا هما مش عرب بس كان عندهم حضارة عظيمة نقلها واستفاد منها العرب

أولا :: الأصول العربية

حضارات بلاد اليمن ::

أ/ مملكة معين

من الاسم واضح أنها مملكة ظهرت في اليمن وكان فيها حضارة استفاد منها المسلمين يبقى هنعتبرها من أصول الحضارة الإسلامية (ده بعد أذنكم طبعا)

ظهرت سنة 1300 قبل الميلاد وعاشت معين 650 سنة تبقى انهارت 650 قبل الميلاد مسألة حسابية بسيطة صح .....

مكانها فين في اليمن

سهله جدا احفظ معايا

معين تقع في الجوف

معين مكانها في الجوف

معين موجوده في الجوف

ها

اتحفظت

معين فين يا شباب

معين في الجوف

طيب فين منطقة الجوف ديه

الجوف في جنوب شرق صنعاء

جميل جدا

تبقى معين تقع في منطقة الجوف جنوب شرق صنعاء

ليها عاصمه ......... طبعا يعني مملكه من غير عاصمة ........... طيب العاصمة بتاعتها ايه ............ قرناو .... مين .... قرناو اسم حلو مش كده

قرناو

نظام الحكم فيها (يعني بتتحكم بطريقة) ملكي وراثي .... طبعا شيء بديهي انت بتقولي مملكة معين يبقى الحكم فيها لازم يكون ملكي

مش محتاجة عبقرية

اقتصادها اعتمد على التجارة الخارجية وانتهت لما سبأ استولت عليها

ايه الأخبار

صعبه .............. ولا سهله ........

تحب نسهلها أكثر

بص

أي مملكة عربية هنتكلم عنها نظام الحكم فيها ملكي وراثي وبتشتغل أساسي في التجارة

يبقى وأنا مغمض ملكي وراثي – تجارة – مع أي مملكة

ب/ مملكة سبأ ( سبأ بن يشجب بن يعرب بن قحطان بن سام بن نوح )

ظهرت عام 950 قبل الميلاد وانتهت عام 115 قبل الميلاد

جميل ... مكانها فين

احفظ معايا

الركن .......... الركن ........... الركن .............. حفظت الركن ........ جنوب غرب اليمن

يبقى تقع في منطقة الركن جنوب غرب اليمن عاصمتها ` مأرب نظام حكمها ملكيا وراثيا تعاقب عليها اكثر من 30 ملك أشهرهم [ بلقيس ] التي ورد ذكرها في القرآن ` اعتمد اقتصادها على خصوبة الأرض / التجارة العالمية

` اشهر مظاهرها الحضارية سد مأرب 650 -630 ق.م , وقد انهار بسبب سيل العرم مما أدى إلى انهيار سبأ اقتصاديا وضعفها عسكريا فاستطاعت دولة حمير الاستيلاء عليها 115 ق.م

ج/ مملكة حمير

ظهرت عام 115 قبل الميلاد واستمرت حتى 525 ميلاديا يعني أول ظهور للمسيحية كان عهد ملوك حمير

تقع في منطقة قتبان (بين سبأ والبحر الأحمر) عاصمتها ريدان (ظفار)

طبعا حكمها ملكي وراثي وكان ملوكها شايفين نفسهم شويه بيدخلوا حروب كثيرة يعني علاقتهم بجيرانهم مش ولابد عكس سبأ

اعتمد اقتصادها على التجارة الخارجية وخصوبة الأرض

سر سقوط حمير رغم انها دولة قوية ؟

لان ملك حمير - يوسف ذو النواس عذب مسيحي نجران واحرقهم في الأخدود لهذا تدخل الإمبراطور البيزنطي [ جستينيان ] لحمايتهم بصفته راعى المسيحين

وأصدر جستنيان أوامره إلى النجاشي ملك الحبشة بغزو اليمن حتى سقطت في يده عام 525 م وفى عام 571 (سنة ميلاد رسول الله ) حاول ابرهه الحبشي هدم الكعبة ولكنة فشل فيما عرف بعام الفيل ثم استولى الفرس على اليمن حتى اعتنق بازان // آخر ملوكهم الإسلام وانضمت اليمن للدولة الإسلامية ( طيب لو مدخلش بازان الأسلام كان هيحصل ايه )

من مواضيع أ/مروان حسن فى منتدى الامتحان التعليمى » الجزء الثاني من شرح الفصل الأول فى التاريخ للثانوية العامة باسلوب (( إقرأ وكانك معي )
» شرح الفصل الأول فى التاريخ للثانوية العامة باسلوب (( إقرأ وكانك معي ) لمؤرخ الغد
» الفصل الثاني فى التاريخ للثانوية العامة من مؤرخ الغد
أ/مروان حسن غير متواجد حالياً   رد مع اقتباس
قديم 15-04-2012, 03:58 AM   #2
Alostaz
:: المشرف العام ::
 
الصورة الرمزية Alostaz
 

افتراضي رد: شرح الفصل الأول باسلوب (( إقرأ وكانك معي ) لمؤرخ الغد


شكرا على الشرح فعلا اسلوب رائع جدا

Alostaz غير متواجد حالياً   رد مع اقتباس
إضافة رد

الكلمات الدليلية
للثانوية, مؤرخ, مروان, الاول, التاريخ, العامة, الغد, الفصل, حسن, شرح, فى

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

مواضيع ذات صلة
الموضوع كاتب الموضوع المنتدى الردود آخر مشاركة
امتحان التاريخ 2011 فى امتحانات الوزارة للثانوية العامة Alostaz نماذج امتحانات الوزارة 2011 1 20-03-2013 09:58 AM
الفصل الثاني فى التاريخ للثانوية العامة من مؤرخ الغد أ/مروان حسن التاريخ للثانوية العامة 2 25-06-2012 12:45 PM
امتحان السودان 2012 فى التاريخ للثانوية العامة Alostaz امتحانات السودان 2012 0 13-05-2012 02:17 AM
الجزء الثاني من شرح الفصل الأول فى التاريخ للثانوية العامة باسلوب (( إقرأ وكانك معي ) أ/مروان حسن التاريخ للثانوية العامة 1 15-04-2012 03:57 AM
امتحان السودان 2011 فى التاريخ للثانوية العامة Alostaz امتحانات السودان 2011 0 28-02-2012 11:18 AM

الساعة الآن 06:50 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc

للتبليغ عن اي انتهاكات لحقوق النشر برجاء الاتصال بنا

موقع الامتحان التعليمى